Ao lado do polígono de Tremoedo e pegado ao Camiño de Santiago, sorprenderate polo seu edificio tipo Château francés, cuberto por uns vistosos azulexos azuis, que tamén recorda ás casas indianas galegas. Conta cunhas amplas instalacións, rodeadas por máis de 30 hectáreas de viñedos da variedade albariño.

Esta adega dispón de varias actividades, nas que se combina o percorrido polas instalacións con degustación dos seus viños da D.O. Rías Baixas maridados con produtos típicos galegos. As experiencias enoturísticas, dirixidas a un mínimo de dúas persoas e un máximo de 20, inclúen percorridos guiados con cata, ademais de propostas con menú degustación. Recoméndase reserva previa. Podes consultar máis información na súa web.