Localizada na parroquia de Baión, conta con 22 hectáreas de viñedos da variedade albariño. O conxunto arquitectónico destaca por contar cos seguintes elementos: o pazo (antiga casa señorial, datada do século XV), a vaquería (onde se celebran distinto tipo de eventos), a antiga adega, ademais dos tradicionais pombais e hórreo. Esta adega integrouse no proxecto de Condes de Albarei en 2008, realizando unha profunda reforma ás instalacións, converténdoo nun espazo enoturístico de interese.

Pazo Baión dispón de diversos packs de experiencias enoturísticas. Dirixidas a un grupo mínimo de dúas persoas, combina desde visitas guiadas con cata de dous viños, a actividades máis completas. Débese realizar reserva previa. Máis información, na súa web.