Trátase dun percorrido moi diferente aos anteriores, xa que che permitirá descubrir os segredos do xeodestino Mar de Santiago -integrado polos municipios de Vilanova de Arousa, Catoira, Valga y Pontecesures– a través das súas propias xentes. Na web desta ruta atoparás un mapa virtual a través do cal seguir o percorrido entre Vilanova e Pontecesures. O teu paso, poderás coñecer o amplo patrimonio natural, cultural, histórico, industrial e gastronómico deste territorio, berce de artistas de renome e envolto en lendas.

Ademais, este percorrido permíteche complementar a túa experiencia no noso municipio descubrindo todo o que este xeodestino pon o teu alcance. Tradicións do máis curiosas, espazos protexidos, recunchos naturais de excepción, enclaves históricos que marcaron a evolución de Galicia ou vistas incribles a pé de río son só algunhas das posibilidades que este completo itinerario che ofrece.

Se queres coñecer máis detalles sobre os catro concellos que conforman o xeodestino do Mar de Santiago, recomendámosche que visites calquera das súas Oficinas de Turismo.