Saíndo da capital municipal en dirección Vilagarcía, atoparás esta praia, que, a pesar de ter menos dun quilómetro de lonxitude, conta cunha ampla oferta enfocada especialmente a familias. De area fina e branca e rodeada de rocas, ofrece unhas fermosas vistas á ría de Arousa, salpicada de bateas.

Ademais de poder tombarte tranquilamente ao sol, conta cunha pasarela de madeira pola que poderás desfrutar dun agradable paseo a pé de mar. Moi preto do areal, hai tamén un área infantil e un circuíto de Pump Track para os amantes das bicicletas.

Resulta un espazo idóneo para pasar unha xornada en familia, comendo no merendeiro que hai baixo as árbores ou nalgún dos establecementos hoteleiros da zona, desfrutando de deportes náuticos e gozando das fermosas panorámicas que ofrece este areal. Dispón de duchas, lavadoiro de pés e aseos. Adoita haber servizo de vixilancia a cargo dun grupo de persoas voluntarias da Cruz Vermella.