Para os días de chuvia, unha das propostas que podedes ofrecer ás nenas e nenos é unha divertida tarde nun parque de bolas. Atópase a menos de dous quilómetros do centro urbano e dispón dunha ampla zona de xogo con camas elásticas, tirolesa, torreta tea de araña, tobogán de donuts, bubble football, parque de bolas ou un área específica para menores de ata seis anos, entre outras propostas.

No tocante ao horario, está aberto de luns a xoves de 16:30 a 21:30 horas; o venres, de 16:30 a 22:00 horas; o sábado, de 11:00 a 14:30 e de 16:30 a 22:00, e os domingos de 11:00 a 14:30 e de 16:30 a 21:30 horas. Os prezos da entrada varían en función do tempo de estancia nas instalacións e dispón de diferente tipo de bonos. Podes consultar toda a información na súa web.