As inmediacións do Pazo de Vista Real acollerán o vindeiro sábado 4 de xullo a Festa dos 80′ – O son de Vilanova Fest. Esta Romaría ochentera contará coas actuacións de Rafa Sánchez, La Unión, La Década Prodigiosa, Amistades Peligrosas, Pancho Varona e Manu GZ DJ. A apertura de portas realizarase ás 19.30 horas.
A entrada é de 20 €, se se compra de modo anticipado, e de 25 €, en despacho de billetes (acceso gratuíto para menores de 5 anos). Os billetes pódense adquirir nesta ligazón. Os/as menores de idade poderán acceder ao evento en compañía de pai, nai ou titor legal con autorización asinada.
Haberá polbo, churrasco e food trucks no recinto. Ademais, habilitarase unha zona infantil gratuíta con servizo de coidadores.